What is God’s Will?

“For God so loved the world that he gave his one and only Son, that whoever believes in him shall not perish but have eternal life. - John 3:16… Pagkapanganak pa lang sa ‘kin, memorize ko na yan.”

‘Di ako masyadong fan ng mga Bible verses, pero bentang-benta sa ‘kin yung mga hirit ni Bro na speaker sa na-attendan kong seminar kanina.

Yung talk niya is about God.

Pero kung nandun ka sa labas ng function room at nakasilip sa glass pane, at makikita yung reaction ko habang nagsasalita yung speaker, iisipin mong nasa comedy bar ako.

“Nararamdaman ko yung God’s love sa tuwing tatanungin ako ng misis ko, ‘Nagkape ka na ba?’...

…Magtimpla ka na dun, may asukal dun.”

Hindi ako tumitingin sa likod kasi dun nakaupo si Sis. Pero yung ngiti ko, abot na hanggang likod.

“Kasi naman, tayong mga lalake dapat ang nagtitimpla ng kape para sa mga misis natin… Nakasulat yan… sa Hebrews.”

Pinipigilan kong tumawa kaya chinat ko na lang yung friend ko para ilabas yung saya ng loob ko.

“Mas madali talagang tumama sa Lotto, kesa sa misis.”

Hindi ko na napigilan. Para akong naka-jackpot sa tuwa sa hirit ni Bro.

Kaya ayun, nung nag-breakout na for group discussion, nakabungisngis pa rin ako.

Napansin nung group leader yung saya ko, “Bro, parang excited ka sa ishe-share mo, ah.”

Ngiting-ngiti, “Sige, una na ‘ko,” ako na nag-presenta.

(Booklet) [Question: What is your experience of God’s love?]

“Sobrang nag-enjoy ako sa talk ni Bro. And for me, that is an experience of God’s love.

Yung mga simpleng experiences na katulad nito, nakaupo lang ako at nakikinig lang sa nagsasalita, natatawa… That is God’s love.”

Nung matapos yung group sharing at nakabalik na kami sa pwesto, naalala ko yung nabasa kong lesson sa A Course In Miracles nung umaga: “God’s Will for me is perfect happiness.”

Nakarating ako dun sa seminar nang may sundo. Nakakain ako nang libre. Nakauwi ako sa bahay nang may hatid.

At next time, may ipapakilala raw sa ‘kin na participant… Single.

Tama si Bro, mas madali ngang tumama sa Lotto.

This is God’s love.